ရေရှည် ယှဉ်ပြိုင်မှုအားသာချက်တစ်ခု ရှိနေသောကုမ္ပဏီများ (၄)

**********************************************
ရေရှည် ယှဉ်ပြိုင်မှုအားသာချက်တစ်ခု ရှိနေသောကုမ္ပဏီများ (၄)
[ဇော်ဝင်းကြူ]
**********************************************

(၃) ဈေးချိုချိုဖြင့် အ၀ယ်ရောင်းလုပ်သောကုမ္ပဏီများ

ဒါကတော့ Wal-Mart ၊ Costco ၊ Nebraska Furniture Mart ၊
Borsheim's Fine Jewelry နဲ့ The Burlington Northern Santa Fe
တို့လိုကုမ္ပဏီမျိုးတွေပါ။ ဒီကုမ္ပဏီတွေမှာတော့ အမြတ်နှုန်းကိုရောင်းအား
နဲ့အလဲအလှယ်လုပ်ကြပါတယ်။ အမြတ်ကိုလျှော့ယူပြီးတက်လာတဲ့
ရောင်းအားနဲ့ ပုံမှန်မြတ်မယ့်အမြတ်ထက်ပိုမြတ်အောင်လုပ်လိုက်တာပါပဲ။
ဒီနေရာမှာအဓိကအချက်က သင်ဟာ ကုန်ပစ္စည်းနဲ့ဝန်ဆောင်မှုတွေကို
ဝယ်လို့ရပြီး သင့်ရဲ့ပြိုင်ဘက်တွေထက်ပိုကောင်းတဲ့အမြတ်နှုန်းကိုရဖို့နဲ့
ကုန်ပစ္စည်း ဒါမှမဟုတ် ၀န်ဆောင်မှုကိုပြန်ရောင်းတဲ့နေရာမှာလည်း ဈေး
ချိုချိုနဲ့ရောင်းတဲ့သူဖြစ်နေဖို့ပါပဲ။ ဒီနေရာမှာမြို့ထဲကဈေးအသက်သာဆုံး
ဆိုင်ပဲဆိုတဲ့နာမည်တစ်ခုကို ရထားတာက စားသုံးသူတွေကိုဆွဲဆောင်နေ
တာပါပဲ။

Omaha မြို့မှာ သင့်အတွက် မီးဖိုအသစ်တစ်လုံးလိုပြီဆိုရင် အကြိုက်ဆုံး
ရွေးပြီး အချိုဆုံးဈေးနဲ့ဝယ်နိုင်ဖို့အတွက် Nebraska ကိုသွားရတာပဲ။
တောကြိုတောင်ကြားကိုဖြတ်ပြီး သင့်ရဲ့ကုန်ပစ္စည်းတွေကိုသယ်ယူပို့
ဆောင်ချင်နေသလား။ ဒါဆိုရင် Burlington Northern ကသင်ပေးတဲ့ငွေ
နဲ့တန်အောင် အကောင်းဆုံးလုပ်ပေးလိမ့်မယ်။ မြို့ငယ်လေးတစ်မြို့မှာ
နေပြီး အကြိုက်ဆုံးပစ္စည်းကိုရွေးပြီး အချိုဆုံးဈေးနဲ့ဝယ်ချင်တာလား။
ဒါဆိုရင်တော့ Wal-Mart ကိုပဲ သွားလိုက်ပါ။

အခုဆွေးနွေးတင်ပြခဲ့တဲ့ စီးပွားရေးလုပ်ငန်းပုံစံသုံးမျိုးထဲက ကုန်ကျစရိတ်
သက်သက်သာသာနဲ့ အရောင်းအ၀ယ်လုပ်တဲ့ကုမ္ပဏီကတော့ အလုပ်
အကိုင်တိုးတက်ဖို့ အခွင့်အလမ်းအနည်းဆုံးပါပဲ။ ကုန်ကျစရိတ်တွေကို
အမြဲနည်းနေအောင်ထိန်းရတဲ့အလုပ်က စီမံခန့်ခွဲသူတွေအပေါ်မှာ
အဆက်မပြတ်ဆိုသလို ဖိစီးမှုတွေအကြီးအကျယ်ပေးနေမှာပါ။ ဒါပေမယ့်
ဒီသုံးမျိုးထဲမှာ အကြုံးမ၀င်တဲ့လုပ်ငန်းသေးသေးကလေးတွေနဲ့စာရင်
ဒီလုပ်ငန်းတွေက ပိုပြီးကောင်းတဲ့လုပ်ငန်းကိုင်ငန်းနဲ့ စီမံခန့်ခွဲမှုအခွင့်
ကောင်းတွေကို ပေးနေဦးမှာပါ။

Warren Buffett's Management Secrets