ဗဟုသုတဘဏ်

စာဖတ်ခြင်းဖြင့် ဘ၀တိုးတက်မှု ရရှိလိုလျှင်
[ဆရာဖေမြင့်]
**********************************************

"ဘာတွေဖတ်နေလဲ" စာဖတ်သူချင်းတွေ့လျှင် သည်လိုပဲမေးလေ့ရှိသည်။
"ဘယ်လိုဖတ်သလဲ" ဟူ၍ကား မေးခဲလှသည်။

စာဖတ်သူချင်းအတူတူ ဘယ်သူက ပို၍စာအုပ်စာပေ၏ အကျိုးကျေးဇူးကို 
ခံစားသွားရသလဲဟူသော အချက်ကား မေးခဲလှသည့် ဒုတိယ အမေးပေါ်
တွင် မူတည်နေပေသည်။ စာအုပ်တစ်အုပ်မှ လူတစ်ယောက် ဘာရသလဲဟူ
သည် ထိုစာအုပ်ကို ၎င်းလူဘယ်လိုဖတ်သလဲဟူသော အချက်ပေါ်တွင်မူတည်
သည်။ သို့သော် အခြားသူများနှင့် တွေ့လျှင် အဲဒီစာအုပ် မိမိဖတ်ပြီးကြောင်း
ပြောနိုင်အောင် ဟူ၍ အခြောက်တိုက် အချိန်ကုန်ခံ ဖတ်ရှုသူများမှာ ထိုစာအုပ်ထဲမှ 
ဘာအနှစ်သာရ တစ်ခုမျှရလိုက်မည် မဟုတ်ပေ။

စာဖတ်သည့်အလုပ်ကို ခပ်ပေ့ါပေါ့ လုပ်သူသည် အခြားကိစ္စရပ်များတွင်လည်း
တို့ကနန်း ဆိတ်ကနန်း စမ်းကြည့်လိုက် ချထားလိုက် လုပ်တတ်၏။ လုပ်ဖူး
သည်ဆိုရုံ မြည်းစမ်းကာ တကယ်စိတ်အားလူအား စိုက်ထုတ်ရမည့်အချိန်၌
အသာရှောင်ထွက်သွားတတ်သည့် ပေါ့တန်လျော့ရဲသော စိတ်ဓာတ်ပိုင်ရှင်မျိုး
ဖြစ်လာတတ်၏။ စာအုပ်အငှားဆိုင်သို့ ခေါက်တုံ့ခေါက်ပြန် သွားနေကြသူများ
ကို စိစစ်ကြည့်ပါ။ စာကို အလေးအနက် တန်ဖိုးထားဖတ်ရှုနေကြသူတွေ၊
စာအုပ်စာပေမှ အကျိုးကျေးဇူး ခံစားရယူမည်ဟူသော ရည်ရွယ်ချက်ဖြင့်
ကြိုးစားနေကြသူတွေလည်း ရှိပါသည်။ သို့သော် တော်တော်များများကမူ
ခပ်လွယ်လွယ် ခပ်ပေါ့ပေါ့ ၀တ္ထုတွေကို သူများထက်ဦးအောင် မဖတ်ရမှာ
စိုးသဖြင့် အသည်းအသန် အရေးတကြီး လုဖတ်နေကြသည်။ သူ့မှာ
ဘာရည်ရွယ်ချက်မှ မရှိသလို ဘာအလားအလာမှလည်း မရှိပါ။ ထို့ကြောင့်
စာဖတ်သူ တစ်ယောက် အနေနှင့် စာအတွက် မိမိအချိန်ကုန် လူပန်းခံ
သလောက် စာမှ မိမိအတွက် ထိုက်တန်သော အကျိုးကျေးဇူးရရှိလိုသည်
ဆိုလျှင် စာဖတ်ရာ၌ ရိုးသားမှုရှိရန် လိုသည်။ စာကို လေးစားယုံကြည်ရန်
လိုသည်။ စာထဲက ရတနာကို အလွယ်တူ လက်ဖြန့်ခံယူ၍ မရ၊ ကိုယ်တိုင်
တူးဆွ ယူငင်မှ ရမည်ဟူ၍လည်း သဘောပေါက်ထားရန် လိုသည်။

စာကို အရေအတွက် အမြောက်အမြားဖတ်ရှုနေခြင်းထက် ဖတ်သမျှ စာ၏
အနှစ်သာရကို မိမိဦးနှောက်ထဲ အသွေးအသားထဲ စိမ့်ဝင်အောင် စုပ်ယူသိမ်း
ဆည်းနိုင်ရန်သာ လိုသည်။ အနှစ်သာရတွေ စုပ်ယူရရှိလိုပါက စာ ၁၅ မိနစ်
ဖတ်ပြီးတိုင်း ၄၅ မိနစ်စာမျှ ပြန်လှန်စဉ်းစားသုံးသပ်မှုပြုပါ ဟူ၍
ရစ်ချက်လဂယ်လီယင်း အမည်ရှိ အင်္ဂလိပ် စာပေပညာရှင်ကြီးတစ်ဦးက
အကြံပြုခဲ့သည်။

အမေရိကန်သမ္မတကြီး အေဗရာဟမ် လင်ကွန်းသည် လူပျိုပေါက်အရွယ်တွင်
စာ စသင်ခဲ့ရပြီး စာတတ်စကာလ စာကိုအငမ်းမရ ဖတ်ချင်သော ကာလက
ရွေးဖတ်စရာ စာအုပ်များများမရခဲ့ပေ။ သို့သော် ကံအားလျော်စွာ ထိုစဉ်က
ကျေးလက်တောရွာမှာ သူတွေ့ခဲ့ရသည့် စာအုပ်များသည် စာကောင်း
ပေကောင်းများ၊ ဂန္တ၀င်စာပေကြီးများ ဖြစ်ခဲ့ပြီး အရေအတွက် မများလှသည့်
စာအုပ်ကောင်းများကို ၀ါးမျိုခွင့်၊ အသွေးအသားထဲတွင် မပြတ်စီးဆင်းလည်
ပတ်နေအောင် စုပ်ယူသိမ်းဆည်းခွင့်ရခဲ့သောကြောင့် စာအုပ်များက ပေးသည့်
အသိအမြင်များ၊ ထိုအသိအမြင်များကို ဖော်ကျူးသည့် ပီပြင်ပြောင်မြောက်သော
ဝေါဟာရ စကားလုံးများ၊ ယင်းစကား ယင်းအမြင်များက တိုက်တွန်းလာသည့်
လုပ်ရပ်များအားဖြင့် သူ့ဘ၀ စတင်ရာ ကျေးလက်တောရွာနှင့် တောမြို့တခွင်
ဦးဆောင် နိုင်သူတစ်ဦးဖြစ်လာခဲ့သည်။

သူသည် ကွယ်လွန်ချိန်အထိ စာကို လေးလေးစားစား ဖတ်ရှုသူတစ်ဦးဖြစ်ခဲ့
သည်။ စာဖတ်သည်။ သုံးသပ်ဝေဖန်သည်။ လေ့လာကျက်မှတ်သည်။ အလျဉ်း
သင့်သလိုကိုးကား သုံးစွဲသည်။ စာကပေးသော အသိအမြင်ကို လက်တွေ့ဘ၀
ပြဿနာများ ဖြေရှင်းရာ၌ အသုံးပြုခဲ့သည်။ သူသည် တစ်သက်လုံး စုပေါင်းမှ
ကျောင်း ၁၂ လမျှ နေခဲ့ရသူဖြစ်သော်လည်း ဥပဒေပညာ နှင့် အထွေထွေစာပေ
ဗဟုသုတဘက်တွင် တက္ကသိုလ်မှ ပါရဂူ ဘွဲ့ရပုဂ္ဂိုလ်များကို ယှဉ်ပြိုင်နိုင်သည်
အထိ မိမိကိုယ်ကို ကိုယ်တိုင်ရှာပညာဖြင့် မြှင့်တင်ခဲ့သူဖြစ်သည်။ သူသည်
စာဖတ်ခြင်း၏ အကျိုးကျေးဇူးကို အပြည့်ဝဆုံး ခံစားသွားရသည့် စံနမူနာပြ
စာဖတ်သမားကောင်း တစ်ယောက်ဖြစ်ပေသည်။

ထို့ကြောင့် စာပေဖြင့် သင့်ဘ၀ တိုးတက်အောင်မြင်မှု ရလိုသည်ဆိုလျှင်
ရှေးဦးစွာ သင်သည် ဤဘ၀၌ အဘယ်သို့သော နယ်ပယ်တွင် ကျင်လည်
လှုပ်ရှားမည်၊ ပေါက်မြောက်အောင်မြင်အောင် ကြိုးပမ်းမည်ဟူ၍ ဦးတည်
ရည်မှန်းချက်ထားရန်လိုပါသည်။ ပြီးလျှင် ဖတ်စရာစာအုပ် ရွေးချယ်သည့်
အခါ ယင်းဦးတည်ရည်မှန်းချက်နှင့် ဆက်စပ်ပတ်သက်သယောင်ထင်ရသော
စာအုပ်များကို တကယ်ဆက်စပ် မဆက်စပ်သေချာအောင် မြည်းစမ်းကြည့်ပါ။
မိမိနှင့် လုံးလုံးလျားလျား ဆက်စပ်ပတ်သက်သည့် စာအုပ်မျိုးကိုမူ ညက်ညက်
ကြေအောင်ဝါး၊ အသွေးအသားထဲစုပ်ယူ ဟူသော နည်းမျိုးဖြင့် ဖတ်ရှုပါဟု
အကြံပြုတင်ပြလိုက်ရပါသည်။

ဦးနှောက်တွင် ရင်းနှီးမြှုပ်နှံပါ