********************************
ခေါင်းဆောင်မှုပေးသူများအတွက်
ပီတာဒရပ်ကား၏ မှတ်သားဖွယ်စကားများ
********************************
ခေါင်းဆောင်မှုပေးသူများအတွက်
ငါဆိုတဲ့စကားကို တွေးလည်းမတွေးနဲ့။ ပြောလည်းမပြောနဲ့။
တို့ဆိုတဲ့စကားကိုတွေးပါ။ ပြောပါ။ ခေါင်းဆောင်ကောင်းတိုင်းဟာ
သူပါဝင်တဲ့အဖွဲ့အစည်းက သူ့အပေါ်ယုံကြည်လို့ သူ့မှာ လုပ်ပိုင်ခွင့်
ရှိရတယ်လို့ သဘောပေါက်ကြတယ်။ သူတို့ဟာ သူတို့ရဲ့ ကိုယ်ပိုင်
လိုအင်ကို နောက်မှာထားပြီး အဖွဲ့အစည်းရဲ့ ကောင်းကျိုးနဲ့ လိုအပ်မှု
တွေအပေါ် အရင်ဦးစားပေးနားလည်ထားကြတယ်။
ပါရမီပါသူများအတွက်
ပါရမီဗီဇထူးသူများကို ဆွဲဆောင်၍ အသုံးချသိမ်းသွင်းခြင်းဟာ
စီမံခန့်ခွဲမှုရဲ့ အဓိက ပင်မလုပ်ငန်းဆောင်တာနှစ်ခုဖြစ်လာပြီ။ ညဏ်ပညာနဲ့
အသက်မွေးသူတွေဟာ ရွေးချယ်မှုတွေများတတ်ကြတယ်။ သူတို့ကို
စေတနာမေတ္တာနဲ့ ပြုပြင်လမ်းညွှန်ပေးပါ။ သူတို့ဟာ ပုဂ္ဂိုလ်ရေးတာဝန်
ဝတ္တရားတွေကို စိတ်ဝင်တစား အလေးထားတတ်သူတွေပါ။ သူတို့ဟာ
စဉ်ဆက်မပြတ်လေ့လာသင်ကြား ဆည်းပူးနေချင်ကြတယ်။ ရိုသေလေးစားမှု
ကို ခံယူချင်ပြီး လုပ်ပိုင်ခွင့်တွေလည်း ရှိချင်ကြတယ်။ အဲဒါတွေ သူတို့ကို
ဖြည့်ဆည်းပေးလိုက်ပါ။
အလုပ်နှင့်ပက်သက်၍
ပြဿနာဖြစ်ဖို့ထက် အကျိုးနှင့် အခွင့်အလမ်းကို အာရုံစိုက်ပါ။
ပြဿနာအေးစေခြင်းဟာ အန္တရာယ်ကို တားဆီးခြင်းမည်တယ်။ အခွင့်လမ်းကို
ရယူခြင်းဟာ ရလဒ်အဖြေတစ်ခုကို ဖြစ်ပေါ်စေတယ်။ အခွင့်အလမ်းတွေနဲ့
ပတ်သက်ဆက်နွှယ်မှုကို ခွဲခွဲခြားခြား သိမြင်ပြီးသည့်တိုင် တကယ်မဟုတ်သော
ပြဿနာတစ်ခုအား ဆွေးနွေးစီမံခန့်ခွဲရာသို့ ယူဆောင်မလာပါနှင့်။ ရယူခြင်း
ဟာ အကျိုးဖြစ်တယ်။ အပြစ်လို့ မမြင်လေနဲ့။
ဆုံးဖြတ်ချက်ချရာ၌
အဆုံးအဖြတ်မှန်သမျှ စွန့်စားမှုရှိတယ်။ ပစ္စုပ္ပန်မှာရှိတဲ့ အရင်းအမြစ်
တွေကို မရေရာ မသေချာတဲ့ အနာဂတ်ဆီ ပုံအပ်တဲ့ ကျူးလွန်မှုတစ်မျိုးပဲ။
ဘယ်လိုအချိန်မှာ ဆုံးဖြတ်ချက်ချဖို့ လိုမလဲ။ ပြဿနာ အခက်အခဲကို ဘယ်လို
ဖြေရှင်းမလဲ၊ ဘယ်လိုတိုက်ရိုက် ကိုင်တွယ်မလဲဆိုတာ သင်သိနားလည်ခဲ့ရင်
စွန့်စားမှု အရင်းအနှီးသေးမယ်။ ဆုံးဖြတ်ချက် ချပြီးရင် ဆုံးတဲ့အထိ ဆက်လုပ်
ဖို့လိုတယ်။ ဆုံးဖြတ်ချက်ချပြီး ဘယ်လိုဆက်လုပ်ရမှန်း မသိသေးဘူးဆိုရင်
ဆုံးဖြတ်ချက် မချပါနဲ့။
အဖွဲ့အစည်းများနှင့်ပက်သက်၍
လူ့သဘာဝက အပြစ်ကို မကြည့်တတ်ဘူး။ ဒါပေမယ့် အစွမ်းအစရှိတဲ့
အဖွဲ့အစည်းတွေ ရှင်သန်ရပ်တည်နေတာဟာ သူတို့နှစ်သိမ့်ဖို့မဟုတ်ဘူး။
ဖောက်သည်တွေရဲ့ လိုအပ်ချက်တွေ ဖြည့်ဆည်းပေးဖို့ပဲဖြစ်ပါတယ်။ ခေါင်းဆောင်
တစ်ယောက်ဟာ ကိုယ့်အဖွဲ့အစည်းကို အပြင်က တွက်ကြည့်တတ်ဖို့လိုအပ်တယ်။
အဲဒါမှ ကုမ္ပဏီထဲက လူတိုင်းရဲ့ လုပ်ဆောင်ချက်တွေကို စဉ်ဆက်မပြတ် ပြုပြင်
ပြောင်းလဲပေးနိုင်ပါလိမ့်မယ်။
(Science & Tech Journal)
No comments:
Post a Comment