ကင်တပ်ကီ ကြက်ကြော် နမူနာ

**********************
ကင်တပ်ကီ ကြက်ကြော် နမူနာ
[ဆရာချစ်စံဝင်း]
**********************

ကင်တပ်ကီ ကြက်ကြော်ကို တီထွင်ခဲ့သူ ဗိုလ်မှူးကြီးဟောင်းစင်ဒါ၏
စံနမူနာယူဖွယ်များကို တင်ပြလိုပါသည်။ ကာနယ်စင်ဒါသည် သူ ပင်စင်
ရယူပြီး ပင်စင်ချက်လက်မှတ်နှင့် သူပိုင်ပစ္စည်းဟူ၍ ပျက်လုပျက်ခင်
ဖြစ်နေသော စားသောက်ဆိုင်လေးမှလွဲ၍ ဘာမျှမရှိပေ။ မူလက
လမ်းမပေါ်တွင် ရှိသော်လည်း အဝေးပြေးလမ်းမကြီးကို အခြားနေရာ
သို့ ပြောင်းရွှေ့ဖောက်လုပ်လိုက်သဖြင့် သူ့ဆိုင်လေးမှာလည်း
ပိတ်လုပိတ်ခင် ဖြစ်နေရ၏။

စင်ဒါသည် သူ၏ခြံထဲမှ မွေးထားသော ကြက်များကိုကြော်ပြီး ရောင်း၍
ငွေရှာရန် စိတ်ကူးပေါ်ခဲ့၏။ သူ၏ ကြက်များသည် မျိုးကောင်းများ
ဖြစ်၍ ကြက်သားများသည် အရသာရှိ၏။ ၀ယ်စားသော ဖောက်သည်
အများအပြားက လွန်ခဲ့သော နှစ်များစွာကပင် စားကောင်းကြောင်း
ထောက်ခံချက် အများအပြား ရရှိခဲ့၏။ သူ့ထံတွင် ကြက်ကြော်နည်း
ကောင်းကောင်းတစ်ရပ်လည်း ရှိနေ၏။ မိမိကြက်ကြော်နမူနာကို
ကြိုက်ပါက ကြော်နည်းကို စားသောက်ဆိုင်များအား တင်ပြပြီး ရောင်း
ရငွေမှ ရာခိုင်နှုန်း အနည်းငယ်ကို သူ့အားပေးဖို့ ကမ်းလှမ်းရန်ဖြစ်၏။

သူသည် မိမိ၏ ကမ်းလှမ်းချက်ကို အများဆုံးလက်ခံလိမ့်မည်ဟု ယူဆ
သော စားသောက်ဆိုင်တစ်ဆိုင်သို့ သွားရောက်ကမ်းလှမ်းရာ ထိုဆိုင်
မှ တစ်ခါတည်း ပယ်ချလိုက်၏။ သူ၏ ကြက်ကြော်ကိုလည်း တစ်ခါ
တည်း ပြန်ယူသွားရန် ခါးခါးသီးသီး ပြောခဲ့၏။ ထိုသို့ ငြင်းပယ်ခံရခြင်း
သည် ပထမဆုံးအကြိမ် မဟုတ်ပါ။ ကာနယ်စင်ဒါသည် ၁၀၀၉ ကြိမ်
ငြင်းပယ်ခြင်းကို ခံခဲ့ရ၏။ သို့သော် သူသည် ခိုင်မာသော ဆုံးဖြတ်ချက်
ချထားသူဖြစ်၍ ဘ၀ခရီးကြမ်းများစွာကို လျှောက်ခဲ့ဖူးသူဖြစ်သော
ကြောင့် ကြက်ကြော် စပ်ရောင်းသော အလုပ်ကို ထပ်ကာထပ်ကာ
ကြိုးပမ်းခဲ့ရာ နောက်ဆုံး စားသောက်ဆိုင်ပိုင်ရှင်တစ်ဦးက ၀ယ်ယူရန်
သဘောတူလိုက်ပါ၏။

ဤသို့ဖြင့် နာမည်ကျော် ကင်တပ်ကီ ကြက်ကြော် Kentucky Fried
Chicken (KFC) သည် အောင်မြင်စွာ မွေးဖွားလာခဲ့၏။ ယနေ့ကာလ
တွင် KFC ဟုဆိုပါက တစ်ကမ္ဘာလုံး သိပြီးဖြစ်၏။ KFC ကြက်ကြော်
ဆိုင်ပေါင်း ကမ္ဘာပေါ်တွင် ထောင်နှင့်သောင်းနှင့်ချီ၍ ရှိနေ၏။ အကြိမ်
ပေါင်း ၁၀၀၉ ကြိမ်တိုင် ငြင်းပယ်ခံခဲ့ရသော်လည်း ယခုအခါ ကမ္ဘာ့
ပြည်သူသန်းပေါင်း ၁၀၀၉ သန်းတို့က ကင်တပ်ကီကြက်ကြော်ကို
မြိန်ရှက်စွာ စားသုံးနေကြပါ၏။ အဖြစ်အပျက်များသည် မျိုးစုံဖြစ်
သော်လည်း ကြီးပွားချမ်းသာခြင်းဆီသို့ ခရီးနှင်ရာတွင် သွားရသည့်
ခရီးလမ်းကြောင်းသည် အခြေခံအားဖြင့် ကင်တပ်ကီကြက်ကြော်
အတိုင်းဖြစ်၏။ ကင်တပ်ကီကြက်ကြော်သည် ဇွဲ၊ လုံ့လ၊ သန္နိဌာန်
တို့၏ ကြားမှ မွေးဖွားလာခြင်းဖြစ်၏။ ထို့ကြောင့်

မဖြစ်နိုင်ပါဘူး x ၁၀၀၉ = ဖြစ်နိုင်ပါတယ်။


အခွင့်အလမ်းကို တွေ့အောင်ရှာ မိအောင်ဖမ်း