Business Process Reengineering (BPR)
**************************
BPR စီမံခန့်ခွဲမှုအမြင်အတွေးသည် ၁၉၉၀ ပြည့်နှစ်များအတွင်းက
ပေါ်ပြူလာဖြစ်ခဲ့သော၊ အပြောများခဲ့သော အမြင်အတွေးဖြစ်သည်။
ယခုအခါတွင် အပြောနည်းလာသော်လည်း အခြေခံသဘောမှာ လုပ်ငန်း
ကြီးများ နှစ်ကြာလာလျှင် ပြောင်းလဲရန်လိုအပ်မှုရှိမြဲဖြစ်ပြီး အလုံးစုံ
ပြန်စိစစ်ပြောင်းလဲမှ အကျိုးရှိနိုင်သော အဆိုဖြစ်သည်။
BPR ကို ပေါ်ပြူလာဖြစ်စေခဲ့သော စာအုပ်မှာ Michael Hammer နှင့်
James Hampy တို့ ၁၉၉၃ ခုနှစ်က ထုတ်ဝေခဲ့သော Reengineering
Corporation စာအုပ်ဖြစ်သည်။ Hammer က BPR မှာ Industrial
Revolution ၏ ဆန့်ကျင်ဘက်ဖြစ်သည်ဟု ဆိုသည်။ စားသုံးသူများ၏
လိုလားမှုနှင့် ဆန္ဒများအစဉ်ပြောင်းလဲနေသော 'သတင်းခေတ်' ကြီးတွင်
ကော်ပိုရေးရှင်းကြီးများက ပုံသေနေ၍ မဖြစ်နိုင်ဟု အခိုင်အမာဆိုသည်။
ကော်ပိုရေးရှင်းကြီးများသည် သီးခြားအထက်အောက်ပြောင်းတိုင် (မီးခိုး
ခေါင်းတိုင်) ကဲ့သို့ အဆင့်ဆင့် ဆက်သွယ်မှုသာရှိပြီး ဘေးနှင့်ပေါင်း
စပ်လေ့မရှိ။ BPR ကမူအပေါ်မှ ခြုံငုံကြည့်၍ အခြေအနေ လိုအပ်ချက်ကို
သုံးသပ်ပြီးပြုပြင်သည်။ အရည်အသွေးကောင်းမွန်ရန်၊ ကုန်ကျစရိတ်
လျော့ရန်၊ ဆောင်ရွက်မှုပိုကောင်းရန်တို့ကို လိုအပ်သလို
ပြန်၍လုပ်သည်။
Reengineering မှာ Reorganization (ပြန်လည်ဖွဲ့စည်းခြင်း) မဟုတ်။
အနည်းငယ်ပြုပြင်ခြင်းလည်းမဟုတ်။ အစမှပြန်၍ လိုရာရောက်အောင်
လုပ်ခြင်းဖြစ်သည်။ ထိုသို့မလုပ်ပါက အကျပ်အတည်းကို ရင်ဆိုင်ရ
မည်မှာ သေချာနေသည်။
အကျဉ်းချုပ်သဘောကို ပြောမည်ဆိုလျှင် BPR မှာလုပ်ငန်းဖြစ်စဉ်များ
ကို အစအဆုံး ပြန်၍စဉ်းစားတည်ဆောက်ခြင်း ဖြစ်သည်။
ဒေါ်ရီရီမြင့်
No comments:
Post a Comment